أَنـــا رح غَـــنِّـــيْـــك

 شعــر هنري زغـيـب    –     لحن مرسيل خليفة     –        غناء أُميمة الــخليل

 

 أَنا رح غَـنِّـيــك      لأَنو صَوتي          بــــــــــاقيلي علامِه

وأَنا رح سَمِّيك     لأَنو إِسمَك        أَحلى من الأَسامي

بَـــــــــدّي تْناديني

بْــإِسمي تناديني

ولو ما تحاكيني     إِسمي عَ صوتك    بــيــضَـــــوّي إِيامي

 

تأَخَّـرْتْ عليي       أَخَــدني طريقي      على بــــــاب تاني

وضلِّت عينيي       مرصودِه خلفي     تْدِلَّك عَ عنواني

ولما تْـــــــــلاقَيْنا            

وفِهمُـــو عينَيْـنا

كانت إِيــــــدَيْـنا      ما عادت تتلاقى    إِلاّ بـــــــــــــالأَغاني

 

حُـــبَّــــــك بِبَالي       لـحظــه سِــرِّيــِّــــه      حِلــــــيانه وغريبِه

يا حبي الغالي      وشو مستحيلِه      قصتـــنـــا القــريبِه

بَـعَّــــــدْني دَربي

علـــــى هالغُربه

لكــن بِــــــــقلبي       ما حدا حبيبي      غيرَك يا حبيبي

________________________

ممنوع التعليق