نجمِة السلام – طفل المغارة

كلمات: هنري زغيب       ألحان: الأب منصور لبكي                غناء: ماجدة الرومي

بِلَيْلِه بردانِه ما فَيا نْواطير                        فيه نجمِه سهرانِه… وسَرَّبِت بَكّير

لِقْيِتْ على بابا عجْقِةْ صمت جديد               والدني عمتوعى… والتلج مْواعيد

                                أبيَض متل الأمل… واسع للمحبه

                                كان العتم عابس… صار العتم حلو

                                وْعَ بيتا الكواكب صارو ينْزلو

        وبالزوايا صارت الأجراس قناديل              قرَّبِتْ لحدا… سمعت تراتيل

                                        يا يسوع… يا يسوع

        ومن يوما… السلام توزع بالدني               وكبرت السعاده… فرحه ملونه

                     كرمال البراءه… تعا              كرمال الطفوله… تعا

                      للي مشردين… لا رفيق ولا بيت… وناطرين العيد

                         تعا على بيوتنا بتتبارك البيوت يا فرح البعيد

                                             يا يسوع

                يا طفل المغاره          وَسِّع المغـاره          وطني بردان

                رجِّعلو الطهاره         تَ يرجع مناره         بعتم الزمان

                                من دفا عينيك امسحو بالإيمان

                                  وبَشِّر أهالينا بميلاد الأمان

                                            يا يسوع

                                                     يا يسوع

ممنوع التعليق