نوستالجيا

كلمات: هنري زغيب             ألحان: معزوفة مالاغوينا            غناء: ماجدة الرومي

يا أنوار اللي بتلالي
تحت الشتي ع الطرقات
أيامي متلك ببالي
متروكة للذكريات
طاولة المطعم ضجرانة
كاس نبيذ ومقعد ناطر
يمرق بليلة شي مسافر
ياخذ عنو الذكريات
ذكرياتي عم توميلي
يا أصحابي صرتو بعاد
تذكروني بالعياد
ذكرياتي عم توميلي
وأنا أومي للطرقات
مسويات وبحر وليل
كيف بتمرق الأيام؟
حبيبي إجى من الليل
وسرب مع كل الأحلام
يا حبي شردنا النوم
وانتهى ماضي اللوين
تبقى تذكرني ما بين
آخر نجمة وأول ضو
ذكرياتي عم توميلي
يا أصحابي صرتو بعاد
تذكروني بالعياد
ذكرياتي عم توميلي
وأنا أومي للطرقات
حبيبي.. اكتبتلك اسمك
ع شمعة والدني غياب
والشمعة دابت ع اسمك
وانمحى خلف الضباب

ممنوع التعليق