حَبّة لولو – أغنية سياحيَّة مصوَّرة خاصة بوزارة السياحة اللبنانية

شِعر: هنري زغيب                     لَحن وتوزيع: الياس الرحباني                     غناء: جَـنَـى

                                 وَقعِت حَبِّة لولو       من دمْع السما

                                 اللي شافا، قُولولو     الله رَاسِـمـا

حَوَّلا من فَرضُو       وجَعَلا  بسْتان

جَنِّه على أَرضو        وسَمّاها  لبنان

 

أرضَك وشُو آوِت    غُزاة و جُيُوش

وْعَ صخرَك تْهاوِت   أَسامي وعروش

                              شعبَك  البُطولِه        حَرَّرلَكْ ترابَك

                              وْوِقْفِت الرُّجولِه       تتعلَّم عَ  بابَك

لــبــنــان

لــبــنــان

يـا وطـني لــبــنــان

 

يا أرض الْحضاره           والوَطَن الْمَناره

الْمَناره ما بْتِنقاس            بِأرضا الْمَحفوره

لأنّو الأســاس            وين بيوصل نورا

بيروت اللي طِلْعِت          من تَحت الدمار

بيروت اللي رِجْعِت         زَهْــرة العَمار

من صُوْر العظيمِه            والْحرْف مْنِ جبيل

وبْعلبك القيمِه               اللي وعّـت الليل

طْرابلُس الحكمه             وصيدا الأُرجوان

وبِقانا الأُعجوبِه              الْـ هَزِّت الزمان

 

 من هالبحر الأزرَق          وْضحكةْ الربيع

للعرس الْمورَّق              بِاللـون البديع

اغمُرْنا بِـهَواك             بِتَلْـجَك  العالي

 وتضَوّي  سَماك             وأَخْضَرَك  يْلالي

أرزَك  العـلامِه             وتاريخَك  عنوان

لَـ وْلادَك كرامه            يكونو  من لبنان

لــبــنــان

لــبــنــان

يـا وطـني لــبــنــان

ممنوع التعليق